Խողովակները և կցամասերը տեղափոխում են ցանկացած տեսակի տրանսպորտով` բեռների փոխադրման և բեռնավորման ու ամրացման տեխնիկական պայմանների կանոնների համաձայն, որը կիրառվում է տվյալ փոխադրամիջոցի համար: Փողադրումը պետք է կատարել փոխադրամիջոցի տարողությունը առավելագույն չափով օգտագործելով:
Խողովակները և ֆիտինգները անհրաժեշտ է զերծ պահել հարվածներից և մեխանիկական ծանրաբեռնվածությունից, իսկ նրանց մակերևույթը` վնասվածքներից: Խողովակների տեղափոխման ժամանակ պետք է դրանք տեղադրել տրանսպորտային միջոցների հարթ մակերևույթի վրա, հեռու պահել սուր մետաղական անկյուններից և թափքի կողերից:
Խողովակները և ֆիտինգները անհրաժեշտ է պահել չջեռուցվող փակ պահեստներում այնպիսի պայմաններում, որոնք բացառում են նրանց մեխանիկական վնասվածքների հավանականությունը, կամ ջեռուցվող պահեստներում ` ջեռուցման համակարգերից մեկ մետրից ոչ պակաս հեռավորության վրա: Նրանք պետք է պահպանվեն արևի ուղղակի ժառագայթների ազդեցությունից և մթնոլորտային տեղումներից -10°C-ից մինչև +40°C ջերմաստիճանում: Խողովակների պահման ժամանակ դրանք դասավորում են 3 մ-ից ոչ բարձր ուղիղ շարքերով:
